Lushai hills chief thangchhuah puan

LUSEI LEH HUALNGO A hnuaia lehkha hi study duh leh vawng tha duh tan thu tangkai a nih ringin ka han thehdarh a ni. C.Kapa LUSEI LEH HUALNGO THUHMA Lusei leh Hualngo thu kan ziakte hi Hualngo leh Lusei inenhranna lam hawi a ni lo va, chu chu kan tum pawh a ni lo. Chanchin hlui (Past History) leh thil lo awm tawh thu kan hriat dan leh kan hmuhdante kan han tarlan atang hian chhiartute leh chhui mite tan (1) Lusei leh Hualngo hi Sadawi kilza, (2) tawng leh culture inang chiah kan nihzia te leh (3) kan inlaichin dan te, (4) hnam hrang kan nih lohzia te a dik zawka a lan theih nan kan han buatsaih a ni. Lusei leh Hualngo tiin inerna leh inhmuhthiam lohna lo awm thin mahse a dan tur rengah ngai ila, rilrua pawm rem dan kan thiam theih nan leh thu dik tak thai lan hi kan tum ber a ni. Kan rilru put dan tihrangtu ber chu ram hrangah kan inthen darh tak vang chauhvin leh Sawrkar inkaihhruai dan a inan loh vang chauhvin a ni e tih hi kan han tarlan duh ber chu a ni e. He kan thuziak atang hian chhiartuten thu dik tak kan hriat chhuah a, inhmuhthiamna leh inremna a awm theih hi buatsaihtuten kan duhthusam ber a ni e. Buatsaihtute: 1. Pu Lianhala 2. Pu Khuangliankhama 3. Pu Dothawnga 4. Dr Rodinga LUSEI LEH HUALNGO Kan pi leh pute Seipui leh a chhehvela an awm laiin an thlahtu an hnam hming an hriat thui ber chu ‘Duhlian’ a ni. Chin tih pawh an hre lo va, Mizo pawh an hre hek lo. An tawng pawh Duhlian tawng an ti. Anmahni inkohna chauh ni lovin Pawi leh Paihte pawhin Duhlian an ti vek a ni. Seipui chhak leh thlang hla vak lovah Chawngthu, Pautu, Hnamte, Lawitlang leh Leiri etc. an lo awm bawk. Chu mite pawhin Duhlian tawng an hmang vek a ni. Duhlian zingah chuan hnam peng a rawn awm chho zel a. Chungte chu Chawngte, Chhangte, Chuaungo, Chuauhang, Hauhnar, Hrahsel, Hualngo, Pachuau, Thangur, Tochhawng, Vangchhawng te an ni. Heng hnam 11 te hi sakhaw hmunkhat Dawisa kilza an tih chu an ni. He mite zingah Hualngo chu an thlahtu atangin hnam hruaitu leh sakhaw vawngtu an ni. Duhlianho thlang an tla a, Tiau thlangah chuan Thangura thlahten khua an din a. Thlang tlak runpui lai a ni a, hnam dang Pawi, Ralte etc in an bel zel a ni. Khua an nei pung zel a, abik takin Thangura thlah Sailohovin khua an nei tam ber a, an ropui hnu chuan Thangur inti lovin Sailo an inti ta a ni. Hualngo chu an unaute thlang tlak hnuah AD 1780 hnu lamah thlang an tla hnuhnawh a. Thlang tla hmasaten ram an lo hauh zo tawh a, an ram hauhsa an luahsak hlauvin an huphurh a. Hualngo lahin hnam dang thu hnuaia awm an duh si lo va, inhmu thiam lovin 1805-1810 AD bawr velah Tiau chhakah an kir leh ta a ni. Hualngo thlang an tlak runpui lain Chengtawnga leh Zahuata te pafa leh Darhnawka te pafa te chu Simhrin leh Zahau khuaah an lo khawsa a, Chin State-ah hian Hualngo mei a mit lo a ni. Hualngo Hualngova chu Seipui khuaah 1550 leh 1600 AD inkar velah a piang nia rin a ni. Thlang tlak hma pawhin a thlahte chuan ‘Hualngo’ tiin hnam hmingah an pu tawh a, Lusei an inti ngai lo. An hnam bul Duhlian tih erawh chu an hre reng a ni. An thlang tlaknaa khua an dinna hmun chu tun thlengin ‘Hualngo hmun’ tiin khua a la ding a. Heta tang hian thlang tlak lai pawhin Hualngo an inti tawh a ni tih chu a lang thei a ni. Mizo chanchin lehkhabu ziaktu apiangin Hualngo chu an ziak tel ve zel a. Mahse Tiau thlangah Thangur leh Fanai tangrualin an beih avangin Hualngo chu a tlawmtu zawk a ni a. Chuvangin Hualngo ropuina lam an ziak ngai lo. Hualngo chu an thlahtute Seipui khur an luh atangin thlang tlak thlengin kum 300 chuang ropui takin an khawsa a. Thlang tlaknaah an che fuh lo va, an ropuina a down (tlahniam) ta a. Mahse 1820 hnu lam atangin lalna khua an din leh a. Tiau chhak leh thlangah khua 50 deuhthaw an nei leh ta a. ‘Hualngo tlang dung’ tia mite hriat thamin ram an nei leh a, an khua erawh chu a lian vak lo hlawm. Lusei Lusei tih a larna chu Vai len 1890 hnu lam a ni. Chu mi hma chuan hnam hmingah thlahtu bul an sawi ngai lo va, hnam peng zawk an sawi thin; Pachuau, Toc

thangchhuah puan ( Puantial )

lushai hills chief thangchhuah puan ( puantial )

thangchhuah diar

thangchhuah puan ( puantial )