mizoram museum, Hmanlai lal puan ni in A ORIGINAL a ni. Hman lai ah hi chuan Lal puan hi a trial kaw kalh vak lem lo a ni, tun lai ah hi chuan tun lai mil deuh a tah leh tawh a nih a vang in an rawn modyf kual in a zia a trial dan hi an rwn trial kaw kalh ta a ni........Hmanlai ah hi chuan a mawl mang deuh simple ang twp kha a ni mai a ni......... tun lai a lal puan kn tih ag chi an uar a an thar chhuah leh tak A trial kaw kalh nuai ang hi chu A original ang kha ni lovin an rawn MODYF leh tawh na a ni . Hmanlai in lal puan te Lungleng lal khamliana sailo Lal puan te hi han en ila a trial kaw kalh ve vak lo a ni tih ka hre mai awm e..........tun lai a an bah uar deuh lal puan kn tih tak te hi chu an rawn modyf leh twh a ni tih hi kan hriat a pawi pawh a ni....
traditinaldressphotodahkhawmna
-
-
Sateek, Mizoram, thlalak , Sateek khua Lal Kamliana Sailo leh Lal IN Awm na TLANG ) Ni in. Manga Sailo te, Suakpuilala Sailo te, Lianphunga Sailo leh Lalsuakhnuna Sailo Leh Kamliana Sailo te Lalna te, LAL KHAWNBAWL. te ;.Lalauva Hmar ZOTE leh Dartinchhunga Hmar te, Thangphuta te, etc... Pasaltha hming te ; te.Kapzauva te, Pu.Thangchina te, Pu.hmaichhaha. te, Thangrikhuma. te an ni kan hriat theih chin ah chuan...( Hriat belh zel chuan ziah leh zel a ni ang ) Lianphunga Bung tun thlenga Hmuh theih a ala din dan te leh An khaw pasaltha chhuan vawr Pasaltha Kapzauva,) A khua mi te tan a mi huai sen Sakei chhun tu ngei te Awm na hmun ngei mai.. kha ani.. An khaw Pasaltha Kapzauva hi chu Aizawl kulikawn ah a pem phei tawh nia sawi a ni... ....... SATEEK KHUA ( BUAN vai kawn..)
-
-
-
-
-
-
-
THANGCHHUAH PUAN. Selu tun zeh, He puan hi mipa puan a ni a.Thangchhuahpate chauhvin an bah țhin a ni.La dum leh sen zung za bêng velin an ban karthlak a.A tung leh a pheiah sîn te têin a sen leh vârin an rawlh țial a.Rawng dumnate an neih hnuah phei chuan a eng leh a hringte pawh an telh.A khât tawkin a vâr an bâng tel a.Chutah chuan zethlan har tak tak Selutun, Mitmurual, Semit, Halkha leh adangte an zep țhin.Tah a har êm êm a ni.Mipa puan ani bawk a, a hleitling hle bawk țhin. Tun hnua Thangchhuahpuanțial tih tak hi tun hma thangchhuah puan țial ang deuha țial a ni a.A ze thlan erawh kha chu telh a ni lo.. Tun hmaa lalte leh pasalțha thangchhuahte khan hetiang hian an diarte pawh an lo țial țhin ani.Hnam thil entir nan diarrah te an hmang a.Mi bik chawimawi nante pawh bahtir a ni ta chawk bawk. Thangchhuahpuan hi tunhnu ah chuan kan ching uar ta meuhlo, Tun hnua kan lo uar chhoh tak Thangchhuah Kawr a kamis ang te a kan hak thin hi hmanlai chuan a puan emaw a kawr angin a awm lo a, hei hi thangchhuah diar zawk hi ani a, hmanlai chuan mivantlang chunglam tlangchhuahpa te chauhin an khim thei. THANGCHHUAH PI pu te Thangchhuahdan hi han sawi zau lawk ila, tunlai thangchhuah kan ti nen erawh chuan a inang tawh lo a. Kan pi pute Thangchhuah thuthlung hi a nep lo hle. An tum ber chu an thih hnuah anthlarau hahdamna leh ropui taka awmna turthuthlung a ni. Kawng hnihin Thangchhuah dan an nei.Kawng khatna chu Sakhaw biak dan kawnga Khuangchawi nu leh pa nih chu a ni a, chu chu IN LAMA THANGCHHUAH an vuah. Khuangchawi tur chuan neihnun a ngai a, neinung tur chuan thawhrim a ngai bawk a. Buh leh bal bakah ran vulhah hmuingil a ngai em em bawk. Mi nazawng tan tih chi rual a ni lo. Tum khata tlingtlak theih mai a ni lova, a tahtawltea zawi zawia inbuatsaih a, tumruhna nena beitute kawng a ni. An thiltih hi ngun taka ngaihtuah chuan, mipui vantlang, hmeithaileh fahrahte pawhin an ruai buatsaih duh tawka tlai puara an ei bakah Khawzing-Pathian tih lawm nan inserh thianghlimin inthawina an hlan bawkthin a ni. Chu mi kawng zawh chhuakte chu Thangchhuah nu leh pa niin PIALRAL an hmachhuan ta bik thin a ni. An dam lai pawhin mite zah leh ngaih ropui an hlawh bawk. Kawng hnihna chu Ram Lama Thangchhuah a ni. Hei hi chu pasaltha kawng bik a ni. Sa 400/500 kap pawh ni se Thangchhuah an ni mai lo. Thangchhuah tur chuan sa bik an kah kim a ngai, chungte chu an ai zel bawk tur a ni. Thangchhuah tur chuan, Zukchal, Nghalchang, Savawm, Sai, Sele, Muvanlai, Vapual leh Rulngan (Rulbuvel) an kap kim tur a ni a, an ai vek bawk tur a ni. Vapual kap lo tan Vahluk a aiah an pawm thei bawk. Kan pi pu ten Thangchhuah an Duh chhan: 1.Thih hnuahah chatuana Pialrala faihawta chawm annih theih nan. 2.An dam chhunga mi ropui leh zahawm, lal duhsak, khawtlang nu leh pa annih theih nan. 3.Mitthi khaw kalkawngah Pawlan a lo sai ngam loh nan. (Comment na ah thlalak hlui thenkhat dah ani)
-
No comments:
Post a Comment