KEIKHUM ( Sateek ) _____ZALENNA: _______SATEEK LEH PHULPUI INKAR CHANCHIN (Lushai Hills)-ah ni a chhuak leh ta. ______Kum 1891 - 1915 AD. __________________Ziaktu ; Lalchhanhima Zote ( Aibawk ). _________ . _____ ______ Tlang sang tak takte chu chhum chhah tak in a bawm chiai a, chu tlang kar ralah chuan khua pakhat, huaisenna leh lungrualnaa khawpui ding, Phulpui chu a awm a. He khua hi Lalsuakhnuna Sailo, Lal Lianphunga fapa, huaisen leh fing, a khua leh tui hmangaihtu lalna hmun a ni. Chu hun lai chuan tun lawka kan hriat Sateek leh Phulpui hi khaw khat an ni a, Lal pakhat thuneihna hnuaiah an leng dial dial thin. Sateek Khua Leh Rorelna Hmasa (1891 - 1897 AD ) _ Kum 1891 AD. _ November thla a ni a. Lalsuakhnuna Sailo chuan a pa, Lal hmingthang Lianphunga (Sylhet-a boral ta) hriat reng nan leh a mipuite chenna turin Sateek khua a din thar a. A Lal hmasat deuh lai hian a Lal Upate—Pu Darlianchawnga Zote, Pu Lalauva Zote, Upa ho te nen lungrual takin ro an rel a. Sateek hi hmun nuam leh mipuite tan pawh awmna tlak tak a ni a. __ Kum 1892 AD. ___ ah phei chuan a pa hriat reng nan "Lianphunga Bung" ngei mai kha an phun ta a. Mipui an pung a, pasaltha hmingthang Kapzauva te pawhin sakei hial an lo chhun tawh a ni. _____/ (Ram Ṭha Zuan Rorelna ) (Kum 1897 AD ) __ ; Sateek-ah kum ruk(6) vel an awm hnu chuan, ram a lo tha lo deuh a, lo neihna leh rannuam tak si ram thar zuan a ngai ta a. Lal leh a Upate chuan thlaler thil eng emaw ber ni lovin, mipui tana ram hnim leh ram ṭha zawk, tuihna pawh ṭha zawk zawn an rel ta a. Lalupa Pu Darlianchawnga Zote chuan, "Lalpa, kan ram tlang hi a lo chuai deuh tawh a ni ang, hmar lam tlang mawi tak, Phulpui ram saw i han en chhin teh ang u," an ti a. Chutichuan, Lal leh a Upate, pasaltha tlemte nen Phulpui ram chu an han thlithlai (survey) a. An han en chu, ram a lo hnim ṭha a, tuihna a lo hnianghnar a, lo neih nan pawh a lungthul hle mai a. Chutah Lalsuakhnuna chuan thutlukna a siam ta a: Keikhum ("Sateek aṭang hian kan insuan ang a, Phulpui-ah ram thar kan zuan ang," a ti ta a ni. Phulpui Kai Dan Leh Rorelna (1897 - 1903 AD) . ___/_ Kum 1897 AD ) ; ____ah chuan mipuite chu an bungrua leh hriamhrei nen Phulpui lamah an han kai chho ta a. Khaw thar an kai hnu hian an phur hle a, lo thar pawh an lawm hnem hle. Phulpui-a an awm kum lina (1901 AD ) ____a lo thlen chuan, khawvel hruaitu langsar tak Queen Victoria (Kumpinu) chu a boral ta a. Lalsuakhnuna hi Lal fing leh thil thlir thui tak a ni a. British sorkar nena inremna leh zahna lantir nan, Kumpinu boral hriat rengna lung chu Phulpui khuaah chuan a phun ta a ni. tun thlenga kan hmuh theih "Kumpinu Lung" kha a ni ta a ni. ______ KEIKHUM (Sateek-a Kir Leh Dan Phulpui-ah kum ruk (6) zet ram ṭha zuana an awm hnuin, Sateek lamah mipuite an thlahlel leh ta a. Kum 1903 AD. _ khan Sateek-ah chuan rorelna leh in leh lote siamṭha turin an chhuk thla leh ta a ni. Lalsuakhnuna Sailo-a rorel hun chhung hi Mizo Lalte zinga hun khirh leh chhinchhiah tlak tak a ni a: ____________________________ 1. 1891 AD: Sateek sat. _________________ _______ 2. 1897 AD: Phulpui kai. _______________________ 3. 1901 AD : Kumpinu lung phun. ________________________ 4. 1903 AD : KEIKHUM (Sateek-a kir leh. ___ ___________________ 5. 1915 AD : Kum 24 chhung ro a rel hnuin a boral ta a ni. ____ 6. 1892 AD ; ah Bungpui a phun ta a ni. ____ _ Ziaktu : Lalchhanhima Zote ( Aibawk ) ____________________ CHHUNZAWM TUR.. ..